Almennt: Ofangreindum gólflökkum skal hlífa við mikilli áníðslu fyrstu 3 - 5 dagana eftir málun.
(1)
a) Steinsteypa er um 3 til 4 vikur að ná fullum styrk. Á meðan hörðnunartíma steinsteypunnar stendur er ekki ráðlagt að mála yfir flötinn.
b) Þegar mála á jarðgólf er rétt að athuga hvort gólfraki er fyrir hendi. Það má gera, t.d. með því að leggja plastdúk á gólfið, loka samskeytum plasts og gólfs og láta standa yfir nótt. Ef raki þéttist við plastið, þá getur verið varasamt að mála gólfið. Leitið þá álits sérfræðinga Málningar hf.
(2)
Varast ber að mála ferska, steinsteypta fleti með alkýðmálningu (t.d. EÐALGÓLFLAKKI). Steinsteypan er þá enn mjög basísk (lútarkennd) og brýtur niður bindiefnið í málningunni, sem flagnar þá af fletinum. Þessi áhrif flatarins á málninguna kallast að málningin "sápist".
(3)
a) Blanda skal lakki og herði gaumgæfilega saman í réttum hlutföllum og láta standa í 15-25 mín. fyrir notkun. Ef þynna á lakkið, skal það gert eftir blöndun herðis og lakks.
b) EPOXÝLAKK harðnar ekki við hitastig undir 10°C og því hærra sem hitastigið er, þeim mun hraðar harðnar lakkið.
(4)
Fjöldi umferða, umfram grunnun og milliumferð, ræðst af kröfum um slitstyrk á hverjum stað.
