Af öllum þeim fjölda lita, sem búa má til í litakerfi Málningar hf yfir 7500 litir eru örfáir hreinir litir helst skærgulir og sterkrauðir sem hafa slaka hulu/þekju. Til að málningarferlið verði eðlilegt við notkun á þessum litum, þá mælum við með því að mála fyrst með Grunnlit og þá dugar að mála tvær umferðir með litnum sem þið völduð. Söluaðilar okkar benda í flestum tilvikum á þessa leið til að fá fullnægjandi niðurstöðu á verkinu. Hikið ekki við að spyrja ef þið eruð í vafa.
Myndin sýnir eina umferð af Grunnlit og tvær umferðir af yfirmálningu. Góð hula.
Málning hf. framleiðir nokkrar gerðir af Kópal innanhússmálningu, sem inniheldur engin lífræn leysiefni, ammóníak, formaldehýð né önnur skaðleg efni. Allar gerðir Kópal málningar sem standast þessar ströngu kröfur eru auðkenndar sérstaklega með rauðu 0% merki. Málningin er nær lyktarlaus en hvergi hefur verið slakað á háum gæðakröfum sem gerðar eru til Kópal málningar.