Gerð:
STEINVARI 2000 er terpentínuþynnanleg akrýlbundin málning, sem hefur þá einstöku eiginleika að vera þétt gegn vatni í fljótandi ástandi, en hleypa raka í loftkenndu ástandi vel í gegnum sig, eða um tvöfalt betur en hefðbundin plastmálning.

Notkunarsvið:
STEINVARI 2000 fullnægir ítrustu kröfum um yfirborðsmeðhöndlun á múr og steinsteyptum flötum utanhúss þar sem hann er gæddur eftirtöldum sérkostum.

1. Hleypir raka (gufu) úr steininum auðveldlega í gegnum sig.
2. Er þéttur gegn slagregni.
3. Er sjálfgrunnandi, þ.e. sérstök grunnun er óþörf í flestum tilvikum þótt um duftsmitandi fleti sé að ræða.
4. Þolir regn fljótlega eftir málun.
5. Þolir að málað sé við lágt hitastig (a.m.k. 10 stiga frost).
6. Hefur frábært veðrunar- og alkalíþol.

Litir:
STEINVARI 2000 er framleiddur í um 10 STAÐALLITUM. Auk þess er boðið upp á sérlitun, þegar um kaup á umtalsverðu magni er að ræða.

Áferð:
Slétt, mött.

Málun:
Nota má pensil, rúllu eða sprautu. STEINVARI 2000 hentar sérlega vel til rúllunar beint á stein. Ráðlegt er að fara 2 umferðir og fyrri umferð þá gjarnan lítillega þynnt (5-15%).

Varúðarflokkur:
2 - 1.

Þynnir:
MÍNERALTERPENTÍNA, ef þörf krefur.

Hreinsunáhalda:
MÍNERALTERPENTÍNA.